وين الباقي
19 06 2007
اليوم وقفت عند سوبر ماركت .. كان معي 100 ريال وكنت ابي اصرفها … وليقيني ان العامل ماراح يصرف لي المية ويصرفني بـ”مافي صرف” رحت وشريت بعض الاغراض وكانت قيمتها 3 ريال ونصف … طلعت المحفظة وبالغلط طلعت 5 ريال بدال المية .. ثم اعدتها إلى المحفظة واخرجت المية واعطيته اياها … الملعون شاف الخمسة وقال “معليش مافي صرف .. جيب خمسة” … قلت يابن الحلال انا ابغى صرف وانت عندك .. خذ المية .. شاطر” .. ابو الشباب كأنه جهاز مسجل ومعلق على هذي الجملة “معليش مافي صرف .. جيب خمسة” … يوم شفت انه مافيه مفر .. عطيته الخمسة .. وفتح الماكينة وشفتها مليانه فلوس … قلت ” ياخي فيه صرف .. ليش تقول مافيه” … قال ” معليش صديق انا يحتاج صرف” … المهم اعطاني الباقي … ريال وعلكة !!!!!!!!!!! قلت خذ العلكة وعطني نصف … قال “معليش مافي نص .. خذ علك” … وهنا طلع شيطان العناد حقي .. وتذكرت حملة وين الباقي :)… “قلت معليش صديق .. انا مابغى علك .. ابغى نص ” … قال ” بس مافي نص” .. قلت ما علي منك .. دبر لي نص” … قال خلاص مافيه مشكلة تعال بكرة انا يعطيك نص” .. قلت “لا ياشيخ ؟؟.. ابغاه الحين وخل الصرف حقك ينفعك” … العامل حاول من هنا .. من هنا … واخر شي عرف ان الدعوة عناد وانتقام من سالفة الصرف … وقال “خلاص جيب مية انا اعطيك صرف ” … قلت “اوكي .. بس النصف قبل الستة وتسعين” ..وشكله مافهم … اعطيته المية ورجع لي الباقي … 96 ريال وعلكة … قلت له “ياخي ما ابغى علك … هات نصف (صورة وجه شيطان) ..قال “يا خي انا اقول مافي نص” .. قلت ” وانا اقول ماابغى علك .. ابغى نص” … ارتفع ضغط العامل … وجلس يدور في الادراج ويكلم اصحابه الهنود وشكلة يحش فيني … اخر شي انقذه عامل ثاني بنصف وعطاني اياه … طلعت من السوبر ماركت بنشوة المنتصر 
هههههههههههههه
يعني جاك الصرف والنصف
القضية راح تصعب إذا كان عندك طابور زحمة ينتظرونك ..
إلا صحيح ما مرّ عليك سعودي وقال لك “يا ولدي خذ هذا ريال إذا انك محتاج”؟
هذي النشوه ياغريب تحس فيها لأنك تحس إنك مواطن سعودي خذيت حقك كامل …
وصادق طلال .. مايذبحني الا اللي يسوي كاش ويقول ياخي هذا الريال وفكنا.
بس مره كنت بسوي زيك ياغريب .. لأنه يرتفع ضغطي من اللي يعطيني علك وبكل ثقه.. المهم .. دخلت الصيدليه وشريت شي ب12.5 .. وأنا رايح للمحاسب كنت حاط في بالي النص وقلت لو يحلم ماخليه ياخذه … المهم عطيته عشرين ورجع لي ريالات وماشفت معها النص .. قلت له وين النص ياحبيبي ( وأنا أضحك يعني اني صايده) قالي مافيه نص .. قلت على كيفك مافيه نص ؟؟ قالي يا أستاذ ححسابك 12.5 وانت عطيتني عشرين يعني يبقى لك 7.5 وعلشان مافيه نص أنا عطيتك 8 ريال ..
طبعن كليت هواء وطلعت
!! ههههههههه .. على ايش مسوي زحمة
بس عناد
لا .. بس معاك حق إذا اعتبرناه انتقام من عناد اخينا حضرة الهندي
أما ابراهيم ههههههههههه موقفه فعلا محرج
من جد عليكم حركات غريبة .. ليش ما تبون علك يعني ؟؟
انا أحس إذا عطاني علك كأنه طفل معطينه حلاوة .. مع انه بفلوسي مو بلاش
انا أحس إذا عطاني علك كأني طفل معطينه حلاوة .. مع انه بفلوسي مو بلاش
هههههههههههه مسوي زحمة في المحل كله عشان النص ريال
هنا أشوا انهم بيتعاملوا بالسنتات كمان نوقف لهم حتى لو الباقي واحد والا اتنين سنت :D
اما ابراهيم موقفك شي خخخخخخخخخ
مرحبا بالجميع
راجع لكم لاحقاً ان شاء الله
هلا طلال ..
…… تحياتي لك
كان فيه شاب سعودي قاعد يشتري .. عطاني نظرة معناها “الحمدل على نعمة العقلله” … لكن عطيته نظرة معناها “وش دخلك؟”
—
مرحبا ابراهيم
هههههههههههههههه صراحة موقف لا تحسد عليه … لو كنت مكانك كان قلتله لا ابي نصف …. عناد هههههههههه
تحياتي
مرحبا باربيكو واسما
المسألة هنا مسألة مبدأ ………. او بالاصح عناد هههههه
تحياتي للجميع